الطالب الخارق لموسم 2008

هاااااااااااي يا جماعة ......
اليوم بدي بق البحصة اللي بتمي .... عن جد شو هاد سوبر طالب يتجول في ساحات جامعة البعث .....

يعني عم ينجح الطالب مع انو عم يواجه شوية عوائق ومشاكل .... مو كتير هه شوية صغيرة Very Happy

....
يعني مثلا : ...................
1. الدوام عم يبدى قبل التسجيل بس بشهر أو 3 أسابيع .... يعني مو مشكلة نحنا جماعة نفهمها عالطاير حتى بدون كتب ........
2. الشعبية الكبيرة لطلاب التعليم المفتوح عند الدكاترة .... يعني نازلين فينا بهادل وطالعين تهديد و وعيد .... وهذا بلا شك يا جماعة يبعث الأمل ويطمئن بالخيييييييييييييييييييييييييييييييييير .......... شريييير

!!!!!!
3. مشاركة الزملاء الأعزاء من كافة الكليات والاختصاصات بمحاضراتنا .... لك وحتى أحيانا بيجينا ضيوف من براااااااا الجامعة ..... و تخيل الجو الهادي للمحاضرات عالدبكة يا بو فهد

.
لك وكل هالشي ...... طلااااااااااااااااااااااب فطاحل عم ينجحوا ...... ناهيك عن دوام الندوات .....
وعلى فكرة فوق بمركز التسجيل ...... أبدا عم ينرفزو فينا وابدا ما عم يعذبونا وابدا ما عم يعطونا معلومات ومواعيد فايتة بالحيط .......
الزميل فيصل من قسم الترجمة الفصل الثاني ..السنة الثانية ....

الطالب الخارق لموسم 2008 28719161

زائر

ma3ak kel el7a2

هههه
أنا أول الشي لما شفت موضوع الطالب الخارق فكرت بدي شوف اسمي:P
lol!

يا سيدي انا بعرف السبب وراء كون الطالب سوبر ممتاز
لأنو بصراحة المناهج الدراسية مسخرة ... مقارنة بمناهج اخرى
والتصحيح بالنسبة للدكاترة مسخرة اكتر .. مقارنة بالتعليم النظامي
والدكاترة بحد ذاتن .. منن الكويس ومنن السيء وبكلا الحالتين عرفانين انو نحن طلاب تعليم مفتوح فايتين معظمن بالمستوى السيء وعم ينجحو .. لأنو مو فارقة في حال نجحو او لأ مافي وظائف بالدولة ..
هي وجهة نظري ..
والسلام

اقتباس :: لأنو مو فارقة في حال نجحو او لأ مافي وظائف بالدولة ..

هي أحلى شي Laughing

شو نسيتو قصة العلامات وانو الواحد بيستنى شي شهرين بعد ما بقدم المادة ليعرف اذا

نجح ولا لأ وأكيد بدو يطلع على حمص ليعرف النتيجة لأنو موقع الجامعة لك يلعن أخت حظي

الله يعينا و يصبرنا

طيب شو بدك تعمل حكم القوي على الضعيف انا بحللك القصه لاني والدي قريبا بده يعمرلي جامعه امري لله بسجلك فيها خخخخخخخخخخخخخخخخخ

و الله فرحتونا بهالخبرية

لك احلى فيصل والله

بسيطة و لا على بالكن شباب

ليش يعني التعليم النظامي أحسن
شو بدي احكي لأحكي كمان دكاترتنا فرجة
و الكادر شغلة كبيرة
أما المناهج للصراحة كتير حلوة بس ما في حدى بيعرف يدرسا
خلوها لربكن
ياطيب القلب لاتنسانا بدنا كلية معلوماتية بالجامعة عندك

لله يعنيا هانت ومنتخرج

اقتباس :: لك احلى فيصل والله

ياسو انتي بتعرف كل الناس ... يعني مين مابتعرفو ؟؟؟

المشكلة متل ما هي ..

مو عم يتغير شي ...

برأيكم رح تضل ها العيوب متل ما هي ؟؟

اقتباس :: سو انتي بتعرف كل الناس ... يعني مين مابتعرفو ؟؟؟

والله شو بدي اعمل محبوب بعرف حالي ما بيدي الشغلة

هههههه

انا برأي الحق علينا يلي نحن عمنفتح المجال قدامون والوضع بدو يصير أسوء من هيك بكتير بدو يصير التسجيل وأخد الكتب ابشع من الشحادة ورح يتصدقو علينا بالكتب صدقة ويلي بياخد سيديات هاد شغلو كبيرة صحيح نسيت احكيلكن عن الواسطات في التسجيل وفعلا طلع الحق علينا لما كنت عبسجل حاول واحد من اهل الواسطات يقدم معه أذن وفعلا ما خليته وقلتله لو بيكون اخر يوم ألي بالجامعة مارح خلي وبلا هالجامعة وفعلا ماحسن بقا شفتو انو الغلط مننا بس القصة بدها لسان وقلب جريء وقوي ولا انا غلطان يا قويييي

شو ما حدا جاب سيرة التسجيل باخر سنة انا صراحة وقت اللي سجلت و اخدت الكتب حسيت حالي عامل انجااااااااااااااااااااز هههههههههه

يا شباب احمدوا ربكن انو اعلى نسبة نجاح هي بجامعة البعث يعني لو بيفتحو ترجمة بحلب ببطل من الفرع و ما بنقل لهون شي بهوي

hero of revolution كتب:: يا شباب احمدوا ربكن انو اعلى نسبة نجاح هي بجامعة البعث يعني لو بيفتحو ترجمة بحلب ببطل من الفرع و ما بنقل لهون

بهالنقطة أنا ببصم بالعشرة
لو الترجمة أصلاً كانت بحلب لما كنا سجلنا وحتى هلأ بعد ما راح د. مروان الحجي وصار التعليم المفتوح تابع لعمادة كلية الآداب صرنا نقول الله يرحم أيام زمان ويمرق البقيان علينا بخير وسلام ويكون بعون إلي لسى مشوارون طويل

أما مشكلة التسجيل فهو مشكلة عويصة. أحلى شي وقت إلي رحت سجل كان في طالبين من التعليم النظامي (على ما يبدو) حاطينون لينظموا الدور - كل ما تجي بنت مزبطة حالا بشوية مكياج وإكسسوار يحطو بنص الدور - لحتا قومت القيامة عليا واحتديت عليه وضلينا ساعة نزور بعض لوقت إلي جبرتو ينظم الدور (بس كان مزعوج مني ولو يطلع بإيدو لكان ضربني)
الله يخلصنا على خير

انتو لو عندكن واسطة كانت كل الامور بتنحل