بلغ السيل الزبى ...(توضيح هام أتمنى من الجميع الدخول)

والله لازم الكل يسمعلك

عنجد الموقع رائع ومتعوب عليه وبفيد كتير

واللي متلي بحسو بهالشي لأني ما بقدر أروح عالجامعة بس بحس حالي موجودة فيا لما أدخل بهالموقع

أي سؤال او استشارة بلاقي الجواب عليها بسرعة

كلنا معك روميو....وأنا بخبر كل اللي بعرفن عن الموقع من قبل ما تحكي لاني بحب الكل يستفيد

الله يكون معك وانشالله حيصير احسن منتدى .... اي شي الواحد بيشتغل وبتعب عليه بصير ... بالتوفيق

والله يا روميو انت والشباب مفضلين ع الكل بهالموقع وما حداا فيه ينكر هالشي


بالتوفيق بالنسبة للموقع الجديد وبإنتظارو بفارغ الصبر

اما عن باقي كلامك بدك تطول بالك في بعض ناس بتدخل نت لتضيع وقت وبس

بالتوفيق للكل وممنونين وما بقى أقلك إنو نحنا مستعدين لأي شي بتطلبو بالنسبة للموقع الجديد بس يشتغل الموقع بكملك جملتي

بالتوفيق جميعا

هاي اول شي لكل الاعضاء تاني شي ليش كل هالعصب يااستاذ روميو انت مجهودك واضح اكيد بالموقع انت وباقي الاعضاء الاعزاء لذلك ماتزعل اذا حدن حكى كلام بدون مايكون مقدر بس جد وبدون مجاملة بس انا وعم احكي عن حالي انو كتير بحسوا مفيد وبنفس الوقت مسلي جدا ولو ماكنت عم رد على معظم المواضيع يلي بتنزل بس اكيد كلها بشوفها وكل يوم يمكن وبشوف اديش عم تتعبوا وانشاء الله موفق بالموقع الجديد واسفة على الاطالة

اقتباس :

انا قطعت وعد على نفسي اعمل موقع لطلاب الترجمة تحكي عنو كل المواقع

وان شاء الله انا عند وعدي لو شو ما صار ولو وقفت بوجهي كل الدنيا ومهما كانت العواقب

المهم أثبت للعالم انو نحن ناجحين ولسنا بفاشلين ...

بتمنى تكون وصلت رسالتي

وترقبوا موقعنا الجديد بإذن الله

والله من وراء القصد

عمر.

اخي عمر انا وبقية الاعضاء يلي بعرفهم رح نعمل المستحيل لحتى يصير الموقع اول موقع بسوريا وبأذن الله مارح اترك طالب او طالبه الا ويكون كرت المنتدى الجديد عندهم وبجد ما رح احكي عن جهود روميو وجهود المشرفين والاعضاء لاني واضحة وضوح الشمس والمنتدى رح يكون مميز وانا معك ليل نهار وصدق بكل محاضرة ما بترك الناس يلي قاعدين جنبي الا وبعطيهم كرت المنتدى على كل حال مارح احكي كتير بس يمشي حال المنتدى سترونتشاهدون مفاجئات كتيرة وإن غدا ُ لناظره قريب

اول شكرا الك عمر
بخصوص المشاركات فبتوقع انو حكيك صح كتير قليلة
وان شا الله بس يصير الموقع اقوى انا جاهز حسب الفضى والوقت المتاح
بالنسبة للدعاية فانا بصراحة عالجامعة ما عم اطلع ابدا بس البركة فيك وبالشباب البقية
يعني ب1\6 بكون الموقع نظامي؟

الموقع بدون تطوير رائع والصراحة متعوب عليه الله يعطيك العافية .. بقا شلون

بعد التطوير ..رح يصير أروع وأنا من جهتي والله ماعم بقصر ..كل مابشوف طلاب جدد عم

بعطيهن العنوان .. وإن شا الله رح نوسع مجال الدعاية وننشر الموقع بشكل أكبر بين الطلاب

بجهودك وجهود الأعضاء الأكارم ..
وبإذن الله يداً بيد نبني منتدى الغد..

صحي بدي أسألك ...منين بتخترعلي هيك صور ..يلعن شيطانك ..

ولا يهمك أخي عمر... نحنا معك، صحيح أنا تخرجت والحمد لله ولكن بزور الموقع يومياً.

تأكد أنو ا لمواد اللي عبحطا عالموقع حصرية، ولو ما بعرف ا لجهد المبذول ما حطيتا.

وأنا كمان بشكر جهودك وجهود جميع أعضاء الإدارة
ونحن معك دائما بكل شيء بخص الموقع

ولا يهمكم كل شي بوقته حلوووووووو

ونحن بانتظارك روميو ... وكلنا ثقة فيك انك ما رح اتقدم غير المنيح


امنياتنا الك بالتوفيق الك وكل من ساهم بانشاء هل الموقع وشو ما رح نحكي وقد ما رح

نشكرك ما رح نوفيك حقك وتعبك

عن جد كلمة يعطيكي الف عافية كتير قليلة عالمجهود الكبير الي عبتبذلوه

وانا واحد من الاعضاء الي مقصرين شوي بالمشاركة بس ان شالله الفترة القادمة

برجع وبقوة للمنتدى الغالي

بالتوفيق عمورة

الله يعطيك العافية على جهودك روميو ..........جهودك واضحة بالمنتدى
الكل معك وأنا معك بكل جهودي لأي مساعدي أنا جاهزي فورا..........
وتاكد أن نحنا ما عم نقصر هادا منتدانا ............
برجع بكرر اي خدمة أنا جاهزي
بتمنى للكل التوفيق

اقتباس :

لانو عمر وقت بيحط شي براسو أكيد رح يحققو بأذن الله
ونحنا أكيد متابعين معك

بالعكس الموقع كتير كتير ممتاز و حلو وانا لولاه هيدا الفصل و الفصل الماضي كنت اتبهدلت لانو انا عم اشتغل و ادرس سوا و الموق هيدا فادني كتييييير كتييير و انا بتشكر كل مين ساهم فيه والله يعطيكن العافية وكل مين بيعرف شو الو و شو عليه فما في داعي حدا يقدر يحسسكن انكن مقصرين شوي انتو بالعكس مفضلين علينا كتير بهالموقع