مقترحات حول آلية التسجيل

في البداية أريد أن أتمنى النجاح لجميع زملائي وزميلاتي لأداء امتحاناتهم ....
كل منا يعرف جيداً "معاناة" التسجيل في بداية كل فصل... حيث أن الطالب الآتي من غير محافظة لغرض التسجيل.. سيضطر إما أن يترجى أحد الطلبة الساكنين في حمص أن "يتبرع" له بدوره... أو أن يأتي مرتين أو ثلاثة إلى حمص لاستكمال تسجيله.... وهما ليستا الحل لمشكلتنا.. اتمنى من زملائي .. بما أننا في عصر التكنولوجيا...أن يشتركوا معي في التفكير عن اقتراح يمكننا من الاستفادة من الوقت ... ويخفف من مشقة التسجيل.

Livia أهلاً و سهلاً بك ما طرحتيه صحيح و يحتاج إلى حل بس الأن كل الشباب ملتهين بالفحص و المواد و مشاكل و هموم الفحص . أظن بعد الفحص نكون مرتاحين و نفكر بحل .

أتمنى لك التوفيق و للجميع

سلامات

انا من ناحيتي ع طول لما بطلع بسجل بسجل لرفقاتي ... مدري ليش بعتمدو علي ولو انو بقدر انصب المصاري واهرب ...
هو في كتير حلول لهل القصة ... بس بدا مين يطبقا ... الله يرحم مروان الحجي .. كان يسمع وينفذ لما بيحكي ...

KONDOR كتب:

لازم يعملوها ببطاقة الائتمان..

حسيت حالي بهولندا والله ...
شو من شان بطاقة الباص واشتراك المسبح بيمشي حالن بدالا ؟

Mo7a كتب:

KONDOR كتب:

لازم يعملوها ببطاقة الائتمان..

حسيت حالي بهولندا والله ...
شو من شان بطاقة الباص واشتراك المسبح بيمشي حالن بدالا ؟

يعني كتير صعبة القصة أبو شريك

عطوني مصاري الي انا بسافر على حمص وبسجلكم بعيوني

KONDOR كتب:

Mo7a كتب:

KONDOR كتب:

لازم يعملوها ببطاقة الائتمان..

حسيت حالي بهولندا والله ...
شو من شان بطاقة الباص واشتراك المسبح بيمشي حالن بدالا ؟

يعني كتير صعبة القصة أبو شريك

صعبة جدا في حال كان راتب الشخص ما وصل لل 7000

مرحباً للجميع..
بعد يوم صعب (تقديم مادة Grammer 2)شايفة آراءكم..وشكراً لكم..
أنا عندي اقتراح عن هالموضوع... شو رأيكم نقترح على الجامعة يسجلونا حسب أقسام مرتبة سلفاً(ممكن يكون أقسام اعتماداً على الأرقام الجامعية....أو المراحل الدراسية)يعلن أثناء الامتحانات وعلى الصفحة الالكترونية الخاصة بالجامعة, ويبقوا اسبوع لتسجيل المتخلفين عن المواعيد النظامية..

اقتباس :

وأي اقتراح ممكن نرفعها لعمادة كلية الآداب عن طريق الهئية الطلابية..

لك ليش نحن في حدا سائل علينا .. الله وكيلك منشبه كلشي الا الطلاب ....

اقتباس :

شو رأيكم نقترح على الجامعة يسجلونا حسب أقسام مرتبة سلفاً(ممكن يكون أقسام اعتماداً على الأرقام الجامعية....أو المراحل الدراسية)

نفس هل الفكرة حكيتا .. وهي صحيحة 100% .. بس للأسف .. أدن من طين وأدن من عجين ...
نحن بهل البلد متعودين انو تكون الاذان صاغية وصوتنا يصل .. صحي ما في تنفيذ بس ع الاقل بيفش الواحد خلقو وقت بيحكي ... .
اما هون ... فلا حياة لمن تنادي ..

يا عزيزتي صعب يطبق كل الحكي الي حكيته لانه هن عقدوا التسجيل ما سهلوه بعد ما لغوا السنة التسديد بالمصرف وصار الطلاب مجبورين كلن انه ايسددوا عند المحاسب والمحاسب 11.30 بيسكر بابه وبيعيد حساباته مشان يودع المصاري بالمصرف ....


على كل حال انا ما سجلت بكير ولما سجلت كنت مدعومة ومشوني بكير يعني اذا الك حدا بيمشي حالك ولو كان فيه مية زحمة ... لهيك رح اقترح عليك انه تجي معي وقت ما اسجل وبمشيكي معي ...منيح هيك

rose كتب:

... لهيك رح اقترح عليك انه تجي معي وقت ما اسجل وبمشيكي معي ...منيح هيك

يا عيني أنا موافق...و الله هاد أكتر اقتراح مفيد...شو رأيك روز بتمشينا معك